ལོ་རྒྱུས།
མདོ་ཁམས་ཆུ་བཞི་སྒང་དྲུག་གི་དཔའ་བོའི་ལོ་རྒྱུས། སྟོད་ཆ། 1༽
བོད་ཀྱི་མངའ་ འབངས་བོད་མི་ཡོངས་ལ་བཙན་གནོན་མནར་གཅོད་དྲག་པོའི་ལས་འགུལ་བྱ་ སྤྱོད་མ་རུང་པ་ཇི་སྙེད་ཅིག་ལག་བསྟར་བྱས་དང་བྱེད་མུས་བཟོད་ཐབས་ཡེ་ནས་མེད་པ་ ལ་བརྟེན་ནས། རང་གི་སྲོག་ལུས་ལོངས་སྤྱོད་མཐའ་དག་བློས་ལིང་གིས་བཏང་སྟེ། བསྟན་དགྲ་རྒྱ་དམར་ལ་དགྲ་འཐབ་བྱེད་དགོས་པའི་རྒྱུ་མཚན་དུ་གྱུར་པ་ནི།
ཕྱི་ལོ་ ༡༩༤༩ ལོ་ནས་བོད་ཀྱི་བྱང་ཤར་ཨ་མདོའི་ཡུལ་དུ་དམར་དམག་དཔུང་འཛུལ་དང་པོ་བྱས་ཤིང༌། ཕྱི་ལོ་ ༡༩༥༠ ལོར་བོད་ཀྱི་ཤར་ཕྱོགས་ཁམས་ཁུལ་དུ་བཙན་འཛུལ་གྱིས་མུ་མཐུད་ལོ་དེ་རང་དུ་ཆབ་ མདོ་བར་བཙན་འཛུལ་སྐབས། བོད་མི་གཞུང་སྒེར་ཡོངས་ཀྱིས་དྲག་པོའི་དམག་འཐབ་བགྱིས་ཀྱང་གདོང་ལེན་མ་ཐུབ།
ཕྱི་ ལོ་ ༡༩༥༡ ལོར་རྒྱ་ནག་པེ་ཅིང་དུ་བོད་རྒྱ་དབར་ཆིངས་མོལ་བྱེད་ཁུལ་བྱས་ཀྱང༌། རྒྱ་དམག་གི་མེ་མདའི་འོག་གི་ཆིངས་ཡིག་དོན་ཚན་༡༧ ཟེར་བ་བསྣོལ་འཇོག་གིས། ལོ་དེར་རྒྱ་དམར་གྱི་དྲག་པོའི་དམག་དཔུང་བོད་ཀྱི་དབུས་རྒྱལ་ས་ལྷ་ས་བར་སླེབས།
དུས་དེ་ནས་བཟུང་བོད་རྒྱལ་ཁབ་ཀྱི་བསྟན་སྲིད་དང༌། སྣོད་བཅུད་བདག་དབང་ཡོངས་རྫོགས། རྒྱ་ནག་གུང་ཁྲན་སྲིད་གཞུང་གིས་སྔ་ཡོད་རྩ་མེད་དང༌། མ་འོངས་བཟའ་ཐབས་ཆེད། བོད་ཡུལ་ན་བྱུང་མ་མྱོང་བའི་གུང་ཁྲན་རིང་ལུགས་དང་འབྲེལ་བའི་གཡོ་སྒྱུའི་ ཁྲིམས་ལུགས་སུ། ཆོས་དད་རང་མོས། རྒྱལ་ཁབ་ཤ་ཞེན། ཇག་ཉུལ་རྩ་མེད། རང་ལུགས་གོམས་པའི་གཤིས་ཀ་ལ་བརྩི་འཇོག
མི་རིགས་འདྲ་མཉམ་ཟེར་བའི་རྩ་དོན་ལ་ ལྟོས་པའི་ཁྲིམས་ལུགས་བཀོད་སྒྲིག་ལག་བསྟར་ རིམ་བཞིན་བྱས་པས། ཕྱི་ལོ་ ༡༩༥༦ ལོ་འགོ་དེར་ཁམས་ཤར་ཕྱོགས་ཡོངས་སུ་ཉིན་བརྒྱ་དུས་གཅིག་ཏུ། དམངས་གཙོ་བཅོས་བསྒྱུར་ཟེར་བའི་ལས་འགུལ་མ་རུང་པ་སྤེལ་ཏེ། ཁྲིམས་ལུགས་བཤད་དེ་ཁྲིམས་འགལ་ལག་བསྟར་གྱིས་གོང་གི་ཁྲིམས་ཀྱི་རྩ་ཚིག་དག་དང་ ཡོངས་སུ་འགལ་བའི་ལས་འགུལ་ལག་བསྟར་བྱས་པ།
དཔེར་ན། ཆོས་དད་རང་མོས་ཡིན་ཟེར་བའི་རྩ་ཁྲིམས་བཤད་པའི་འོག་ནས། བོད་ཀྱི་རྒྱལ་ཁམས་ཡོངས་སུ་དགོན་པ་སྟོང་ཕྲག་བདུན་ལ་ཉེ་བ་ཡོད་པ་དང༌། གཙུག་ལག་ཁང་ཁྲི་ཕྲག་མང་པོ་ཡོད་པ། སྐུ་གསུང་ཐུགས་རྟེན་གྲངས་ལས་འདས་པ། བསྟན་འཛིན་གྱི་སྐྱེས་ཆེན་དགེ་འདུན་འབུམ་ཕྲག་མང་པོ་ཡོད་པ་སོགས། རིམ་བཞིན་རྩ་གཏོར་ཤུལ་མེད་བཟོ་བའི་འགོ་བཙུགས།
དེ་མཚུངས་རང་ལུགས་གོམ་པའི་གཤིས་ལུགས་ལ་བརྩི་འཇོག་ཟེར་བ་དང༌། མི་རིགས་འདྲ་མཉམ་ཟེར་བའི་རྩ་ཁྲིམས་བཤད་པའི་འོག་ནས་བོད་སྲིད་པ་ཆགས་ནས་བཟུང་ གི་ལམ་ལུགས་ཡོངས་རྫོགས་རྩ་མེད་ཐོག མི་རིགས་ས་ཁུལ་དང༌། གྲལ་རིམ་དབྱེ་འབྱེད་སོགས་ཀྱིས་བོད་མི་འབུམ་ཕྲག་མང་པོར་མནར་གཅོད་དང༌།
དམར་ གསོད་བརྡུང་བརྡེགས་ཅི་རིགས་ཀྱི་འོག་ཏུ་ཤི་དགོས་པ་བཟོ་བའི་འགོ་བཙུགས་ པའི་སྐབས་ནས་ཁམས་ཤར་ཕྱོགས་ཀྱི་ས་གནས་སོ་སོ་ནས་སླར་ཡང་རྒྱ་དམར་གུང་ཁྲན་ལ་ཤི་ ལ་མི་མཚེར་བའི་དྲག་འཐབ་བྱས་པ་དང༌། ཨ་མདོའི་ཕྱོགས་སུའང་དེ་མཚུངས་བྱུང་བ་བཅས། མཐའ་མར་བོད་རྒྱ་དྲག་པོའི་སྟོབས་ཤུགས་ཆེ་ཆུང་གིས།
བོད་ཤར་ཕྱོགས་མདོ་ཁམས་གཉིས་པོ་དམག་ཕམ་ཉེས་ཀྱིས་སྲོག་དང་མ་བྲལ་བ་རྣམས། བོད་དབུས་ཀྱི་ལྷ་སའི་ཕྱོགས་སུ་ཡུལ་གྱར་དགོས་གྱུར་པ།
ད་དུང་གོང་གསལ་མདོ་ཁམས་ཡུལ་གྱར་བ་རྣམས་དང༌། དེ་བཞིན་ཁམས་ནུབ་ཕྱོགས་པ་དག་དང༌། རྒྱལ་ས་ལྷ་སའི་ཕྱོགས་སུ་མདོ་ཁམས་ཀྱི་ཚོང་རིགས་ཁག་བཅས་ཚང་མས་བསམ་གྲོས་ཀྱིས། བོད་ཀྱི་བསྟན་སྲིད་རང་དབང་བརྟན་གནས་ཡོང་ཐབས་ཁོ་ནའི་ཆེད། ཅི་དྲག་གང་དྲག་གི་ཐབས་ལམ་འཚོལ་བའི་སྐབས་སུ།
རང་གི་སྲོག་ལུས་ལོངས་སྤྱོད་དང་བཅས་པ་བློས་ཡོངས་སུ་བཏང་བའི་སྒོ་ནས་དྲག་པོ་དམག་གི་ལས་ཐབས་བྱ་རྒྱུ་དེ་རང་ལས་མེད་པ་ཐག་བཅད།
དེ་ ལའང་ད་དུང་མུ་མཐུད་སྡེ་པ་གཞུང་གི་སྲིད་དབང་ཡང༌། མེ་འོད་ཀྱི་སྦྲང་མ་ལྟ་བུར་གྱུར་ཡོད་པ་འདི་བཞིན། རྒྱུན་གནས་གང་ཐུབ་དགོས་གལ་ལ་བརྟེན། དྲག་པོ་དམག་གི་ལས་ཐབས་འདི་རིགས་ཀྱི་ལེ་ཁག་བོད་གཞུང་ལ་མི་འབྱུང་ཆེད་མདོ་ཁམས་ ཆུ་བཞི་སྒང་དྲུག་བསྟན་སྲུང་དངས་བླངས་དམག་ཅེས་རྒྱ་དམར་གྱིས་བསྙད་འཛུགས་བྱ་ ཡུལ་ཆེད་དུ་བཟོས།
རྒྱ་དམར་གུང་ཁྲན་གྱི་སྲིད་དབང་འོག་བཟང་སྤྱོད་ཀྱི་ཐབས་ ལམ་ཇི་ལྟར་སྤྱད་ཀྱང་འབབ་ས་གཅིག་ལས་མེད་པ་ཤེས་གསལ་དང༌། ཤི་རྒྱུ་ལ་མི་སྐྲག་མཁན་སྲོག་ཆགས་གཅིག་ཀྱང་མེད་ཀྱང༌། རྒྱ་དམར་གྱི་འོག་ཏུ་མི་ཤི་བར་འགྲོ་ས་མེད་པ་མཐོང་བ། བོད་མིའི་ལྟ་བ་ནི་ཆེ་འདི་ལས་ཕྱི་མ་གལ་ཆེ་བརྩི་བས། བོད་བསྟན་སྲིད་ཀྱི་དོན་དུ་བསྟན་དགྲ་རྒྱ་དམར་གྱི་མཚོན་འོག་ཏུ་ཤི་ཐུབ་ན།
ཕྱི་ མར་འདྲེན་པའི་༧སྐྱབས་གནས་༧གོང་ས་མཆོག་ཡོད་བསམ་པའི་བློ་ཐག་ཆོད་པ། རྒྱ་དམར་གུང་ཁྲན་ལ་མགོ་སྒུར་བ་ལས་ཤི་ཐེངས་དགུ་ཆད་ན་དགའ་སྙམ་པ། ཁྱིམ་མཚེས་རྒྱལ་ཁབ་རྒྱ་གར་དང༌། བལ་པོ། དབྱིན་ཇི། དེ་བཞིན་ཨ་མི་རི་ཀ་དང༌། ནུབ་ཕྱོགས་དང༌། ཡོ་རོབ་སོགས་ཀྱིས་ཉམས་ཆུང་བོད་ཆོས་ལྡན་གྱི་རྒྱལ་ཁབ་འདི་བཞིན་གྲོགས་མེད་ གཅིག་པུར་མི་བཞག་པའི་རེ་བ་སྟོང་པ་ཞིག་ཀྱང་ཡོད་པ།
ད་དུང་འགའ་རེས་འཛམ་ གླིང་རྒྱལ་ཚོགས་ཟེར་བ་ཞིག་ཀྱང་ཡོད་སྐད། དེ་འདྲའི་བསམ་ཚུལ་སྣ་ཚོགས་ཀྱི་སྒོ་ནས་རྒྱ་དམར་གུང་ཁྲན་བོད་ནས་མཐར་སྐྲོད་ གཏོང་བསམ་པའི་དཔའ་ངར་བསྐྱེད།
གལ་སྲིད་བསམ་དོན་ཇི་བཞིན་སྒྲུབ་མ་ཐུབ་ནའང་ ཚེ་འདི་ཕྱི་གཉིས་ཀྱི་གཏད་ཡུལ། མགོ་ནག་འདྲེན་པའི་༧སྐྱབས་གནས་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ འགལ་རྐྱེན་ཕྲ་མོ་ཙམ་མི་འབྱུང་བའི་ཆེད་དུ་ལྐོག་གྱུར་གྱིས་མཐར་ཐུག་རྒྱབ་ བསྟེན་བཅོལ་ཡུལ་གང་དགེ་ཡང་བསམ་བློ་བཏང་བ་སོགས་མདོ་དོན་སྙིང་པོར་དྲག་པོ་དམག་ གི་ལས་ཐབས་བྱ་རྒྱུར་ཐག་བཅད།
དེ་ལས་མང༌།: མདོ་ཁམས་ཆུ་བཞི་སྒང་དྲུག་གི་དཔའ་བོའི་ལོ་རྒྱུས། སྟོད་ཆ། 1༽
མདོ་ཁམས་ཆུ་བཞི་སྒང་དྲུག་གི་དཔའ་བོའི་ལོ་རྒྱུས། སྟོད་ཆ། ༢༽
༼5༽
རྩེད་ཐང་གཡུལ་འགྱེད་ཐེངས་དང་པོ།
རྩེད་ཐང་ནི། བོད་ཀྱི་རྒྱལ་ས་གྲོང་ཁྱེར་ལྷ་ས་དང་ཁད་ཉེ་བ་སྣེ་གདོང་རྫོང་གི་དབུས་ཁུལ་ཡར་ ཀླུང་གཙང་པོའི་ལྷོ་ངོས་ན་ཡོད་ཅིང༌། ལྷོ་ཁ་ས་ཁུལ་གྱི་ལྟེ་གནས་གྲོང་ཁྱེར་ཞིག་ཀྱང་ཡིན་པས།
དགྲ་བོ་རྒྱ་དམར་ གྱིས་སྔ་ས་ནས་ལྷོ་ཁུལ་རྫོང་ཁག་ཡོངས་ཀྱི་ནང་ནས་གལ་ཆེའི་ས་ གནས་ཤིག་ཏུ་ངོས་འཛིན་བྱས་ནས་རྩེ་ཐང་གྲོང་ཁྱེར་ནང་རྡོ་རྗེའི་ཁང་པ་ཟེར་བ་ སོགས་ཁང་ཁྱིམ་འགའ་ཞིག་གི་ནང་དུ་རྒྱ་དམར་གྱི་དམག་དོན་ལས་ཁུངས་བཙུགས་ཡོད་པ་ རེད། དེ་ནི་ཕྱོགས་གཅིག་ནས་ལྷོ་ཁའི་ཁུལ་གྱི་མི་དམངས་གྱེན་ལང་བྱུང་ན་འབུར་འཇོམས་ བྱེད་མཁན་དང༌།
གཉིས་ན་ཕྱི་རྒྱལ་ཁག་གིས་བོད་དུ་དྲག་པོའི་རོགས་རམ་བྱེད་ རྒྱུའི་དྭོགས་འཆར་ སྔོན་འགོག་གི་ཆེད་དང༌། གསུམ་ན་གལ་སྲིད་བོད་ཀྱི་སྲིད་གཞུང་འཛིན་མཁན་མི་སྣ་ཆེ་ཁག་ཚོས་ལྷ་སའི་ཁུལ་དུ་ རང་དབང་སྒེར་ལངས་ཀྱི་ལས་འགུལ་སྤེལ་བ་དང༌། རང་ས་བརྒལ་ནས་བལ་ཡུལ་དང་རྒྱ་གར་སོགས་སུ་འགྲོ་བསྐྱོད་བྱེད་པའི་དོན་སྐྱོན་ བྱུང་ཚེ་ཐེམ་པ་དང༌། སྒོ་གླེགས་བཞིན་ཡིན་པས།
རྒྱུ་མཚན་དེ་དག་ལ་བརྟེན་ནས་ རྩེད་ཐང་དམག་སྒར་འདི་ཉིད་གལ་ཆེར་འཛིན་ཏེ་ཉིན་ མཚན་ཁྱད་མེད་ཀྱིས་མོ་ཊ་ནང་མདའ་རྫས་སོགས་དབོར་འདྲེན་གྱིས། དམག་སའི་ཆ་རྐྱེན་གང་ལེགས་གྲ་སྒྲིག་ཨང་གསར་བྱས་དང༌། བྱེད་བཞིན་པ་དེར། ཆུ་བཞི་སྒང་དྲུག་དམག་སྒར་ནས་རྒྱལ་སྲུང་བཙན་རྒོལ་གྱི་ལས་འགུལ་ནང་ཞུགས་མཁན། བསྟན་སྲུང་དྭངས་བླངས་དམག་མིས་དོ་སྣང་མི་བྱེད་ཀ་མེད་ཆགས་ཡོད་པ་རེད།
དོ་སྣང་དང་དོགས་ཟོན་དེ་ལྟར་བྱེད་བཞིན་པའི་སྐབས་དེར་སྤྱི་འདོམས་དམག་སྤྱི་ཨ་ འབྲུག་མགོན་པོ་བཀྲ་ཤིས་ཀྱིས། ཤངས་ཁུལ་ནས་བང་ཆེན་ཆེད་བཏང་གིས་བཀའ་ཡིག་ཕྱག་བྲིས་ཤིག་འབྱོར་བ་དེའི་ནང༌།
ང་ཚོས་སྔོན་འགྲོའི་འཆར་གཞི་ལྟར། ཤངས་དགའ་ལྡན་ཆོས་འཁོར་གླིང་ནས་གོ་ལག་མདའ་རྫས་ཇི་ཡོད་ཆ་ཚང་རྩིས་ལེན་བྱས་ཟིན་ པས། རིང་མིན་ལྷོ་ཁའི་ཕྱོགས་སུ་ཕྱིར་ལོག་བྱ་རྩིས་ཡིན། དེ་གའི་དམག་སྒར་ལྟེ་བའི་ནང་ཡོད་པའི་གཙོ་འཛིན་དང༌། དམག་སྤྱི་ཚོས་སྒྲིག་འཛུགས་དང་འཆར་གཞི་ལྡན་པའི་རྩ་འཛུགས་བྱས་ཏེ།
དགྲ་ བོའི་རྟེན་གཞི་བྱས་པའི་རྩེད་ཐང་དམག་སྒར་རྩ་གཏོར་གཏོང་དགོས། ཞེས་འཁོད་ཡོད་པ་རེད། མ་གཞི་བཀའ་དེ་མ་འབྱོར་བའི་སྔོན་ནས་ ༡༩༥༨ ཟླ་བ ༡༠ ཚེས ༢ ཉིན་དམག་འཁྲུག་ཐེངས་གཅིག་བྱས་ཚར་བ་རེད།
དེའི་སྐོར་རྒྱ་དམར་གྱི་བོད་ལྗོངས་ལྷོ་ཁ་རྩོམ་སྒྲིག་པུའུ་ཡིས་བསྒྲིགས་པའི་ ། ཞེས་པའི་ཆེད་རྩོམ་དེའི་ནང༌། ཁོ་པ་ཚོས་ཕྱོགས་གཅིག་ནས་ངོ་ཚ་ཁྲེལ་མེད་ཀྱིས་ཆོས་ལུགས་ལ་སྲུང་སྐྱོབ་བྱེད་ པའི་མིང་བྱང་འཁྱེར་ནས། བོད་རང་བཙན་ཡིན་ཞེས་སྐད་ཅོར་རྒྱག་པ་དང༌།
ཕྱོགས་ གཞན་ཞིག་ནས་ངོ་ལོག་ཟིང་འཁྲུག་གི་དྲག་པོའི་གཙོ་ཤུགས་སྐོང་འཐེན་བྱས་ཏེ། ལྷོ་ཁར་ཡོད་པའི་རང་རེའི་ལས་ཁུངས་དང༌། དམག་དཔུང༌། རླངས་འཁོར་རུ་ཁག་བཅས་ལ་ཚུར་རྒོལ་དང༌། བསྐོར་བརྡུང༌། འཇབ་རྒོལ་བཅས་བྱས་ཡོད། དེ་ཡང་ཐོག་མར་ ༡༩༥༨ ལོའི་ཟླ་ ༡༠ ཚེས་ ༢ ཉིན་བར་ལྷོ་ཁ་ཡན་ལག་ལས་དོན་ཨུ་ཡོན་ལྷན་ཁང་གི་ལས་ཁུངས་དང༌། ས་སྲུང་དམག་ཡན་ལག་རུ་ཁག་ལ་འཇབ་རྒོལ་བྱས།
ཞེས་འཁོད་འདུག་ཀྱང༌དམག་འཐབ་ཇི་ལྟར་བྱས་ཚུལ་གསལ་འཁོད་མི་འདུག
གོང་ གསལ་ཨ་འབྲུག་མགོན་བཀྲ་ཤིས་ཀྱི་གནས་འཕྲིན་དེ། ས་ཁྱི་སྤྱི་ལོ་ ༡༩༥༨ ཟླ་བ་ ༡༠ ཚེས ༡༢ ལ་འབྱོར་བ་དང༌། སྡེ་དགེ་བྱ་རྒོད་རྣམ་རྒྱལ་རྡོ་རྗེ་ཅན་དམག་སྒར་ལྟེ་བའི་འགོ་འཛིན་ཚང་འཛོམས་ ཐོག འདིར་ཡོད་དམག་དཔུང་ཁག་ནས་ཤངས་དགའ་ཆོས་སུ་སོང་བའི་ཨ་འབྲུག་སྦྱིན་བདག་གི་ དཔུང་སྡེ་དམག་སྒར་ཨ་མ་བསུ་བར་འགྲོ་དགོས་པས་དེར་འགྲོ་མཁན་དང༌།
དེ་ནས་དགྲ་ བོར་འཐབ་འཁྲུག་ཇི་ལྟར་བྱ་རྒྱུའི་སྐོར་སོགས་ལྷ་ལ་ཞུས་པས། ལྷས། བྲག་གཡབ་དམག་སྤྱི་ཨ་ཕྲུག་བླ་མས་སྣེ་འཁྲིད་ནས་དཔུང་འཇུག་དང་དྲག་པོའི་དམག་ འཐབ་བྱེད་ན། རྩེད་ཐང་རྒྱ་སྒར་ལ་ཕམ་ཉེས་གཏང་ཐུབ་པའི་ལུང་བསྟན་གནང་བ་ལྟར། ལྷས་ལུང་བསྟན་ལྟར་བྲག་གཡབ་དམག་སྤྱི་ཨ་ཕྲུག་བླ་མ་ལ་བརྗོད་པར། ཨ་ཕྲུག་བླ་མས་ང་ཚོ་རུ་ཤོག་ཆུང་ཆུང་ཞིག་ལ།
འགོ་ཁྲིད་ཚོས་ཐུབ་ཚོད་གཏོང་གི་ ཡོད་སྟབས་ཨ་འབྲུག་མགོན་བཀྲ་མ་ཕེབས་བར་འགྲོ་ གི་མིན་ཞེས་བརྗོད། ཡང་བསྐྱར་འགོ་ཁྲིད་ཚོས་ཨུ་ཚུགས་བགྱིས་པས། མཐར་ཁས་ལེན་གྱིས་བྲག་གཡབ་རུ་ཤོག་སོགས་དམག་མི་ཉིས་བརྒྱ་ལྷག་ཤར་བསྐྱོད་ཀྱིས། ལྕང་ལོ་ཅན་གཞིས་ཀར་དམག་སྒར་རྒྱབ། བོད་ཟླ་ ༡༠ པའི་ཚེས ༡༤ དང་ ༡༧ལ་གྲ་ སྒྲིག་དེ་ཙམ་མ་བྱས་པར་རྩེད་ཐང་རྒྱ་དམག་ལ་མཐོང་ཆུང་ལྟ་བུས་ཕར་རྒོལ་གྱི་ དམག་འཐབ་ཐེངས་གཉིས་བྱས་ཀྱང༌། ད་སྔོན་རང་རེའི་རུ་ཤོག་དེའི་རང་དམག་རྣམས། ས་འོག་ཏུ་གབ་ནས་སྡོད་པའི་རྒྱ་དམག་ལ་འཐབ་འཛིང་བྱེད་རྒྱུའི་ཉམས་མྱོང་མེད་པ་ དང༌། གཉིས་ན་སྔོན་འགྲོའི་དམག་ཇུས་བཀོད་འདོམ་གྱི་འཆར་གཞི་བརྟན་ལྷིངས་མེད་པར།
ད་ ཕན་རི་ཐང་ཀླུང་གསུམ་དུ་དམག་འཐབ་བྱེད་སྟངས་དེ་ཁོ་ནའི་སྣང་བ་ཤར་ནས་དཔུང་ འཇུག་བྱས་པ། གསུམ་ན་རང་དམག་ལ་མེ་མདའ་རིང་ཐུང་རང་ག་བ་དང༌། སྐེད་གྲི་སོགས་ལས་གཞན་ལག་འབོམ་དང་མེ་སྒྱོགས་སོགས་ས་འོག་གི་དགྲ་ཁང་གཏོར་ བྱེད་ཀྱི་ཆ་རྐྱེན་མེད་པ་བཅས་ལ་བརྟེན་ནས་རང་དམག་རྣམས་ཕམ་ཉེས་ཆེན་པོར་གྱུར།
སྟབས་ ལེགས་པ་ཞིག་ལ་དགྲ་བོའི་སོ་ཁུང་ཐད་དུ་ལུས་སྲོག་འབེན་དུ་བཙུགས་ཏེ། སྔ་ཕྱིར་ཐེངས་གཉིས་རྒྱུགས་པའི་རང་ཕྱོགས་དམག་མིའི་ཁྲོད་ནས། བསད་རྨས་ཧ་ཅང་མང་པོ་བྱུང་མེད། གོང་གསལ་དམག་འཐབ་དེར་རང་ཤོག་ལ་དམག་འཐབ་གཡུལ་འགྱེད་ཆེ་ཆུང་ཇི་འདྲ་ཞིག་བྱེད་ དགོས་ནའང༌། དམག་ཇུས་བཀོད་འདོམ་དང༌།
དགྲ་ཕྱོགས་ཀྱི་གནས་བབ་ཚོད་བགམ་དགོས་ པའི་བསླབ་བྱའི་དམར་འཁྲིད་དང་ཉམས་མྱོང་ གསར་པ་ཞིག་ཐོབ་པ་ཡིན་ལ། རྩེད་ཐང་རྒྱ་དམག་ཚོར་ཡང༌། ད་སྔོན་བོད་དམག་ལ་མཐོང་ཆུང་འཛིན་པའི་ལྟ་བ་དེ་ཡོངས་སུ་དོར་ནས་ཁམས་རིགས་དཔའ་ བོའི་གླེན་འཛིངས་དང་སྙིང་སྟོབས་ལ་འཐབ་རྒོལ་དང་བྲོས་ལམ། དེ་བཞིན་གབ་ཁུངས་སོགས།
ད་ཕན་གྱི་འཆར་གཞིའི་ནང་མེད་པའི་དམག་ཇུས་གསར་པ་མང་ པོ་ཞིག་གཏན་འབེབས་བྱེད་ རྒྱུའི་གོ་རྟོགས་སད་པ་ཡང་བྱུང་ནས། རྩེད་ཐང་རྒྱ་དམག་ཚོས་དེ་ནས་བཟུང་སྡོད་གནས་སུ། ས་འོག་ནས་གོང་པོ་རིའི་འོག་ནས་རྒྱ་བསྐྱེད་ཀྱིས་ས་དོང་བྲུས་པ་དང༌། ས་འོག་ནས་ཆུ་བཏོན་པ། མདའ་རྫས་དང་ཟ་ཆས་སོགས་ས་འོག་ཏུ་སྦས་གསང་བྱེད་པ།
ས་འོག་ནས་ཁང་པ་ཕན་ཚུན་ནང་འགྲོ་བསྐྱོད་ཆོག་པ་བཅས་ཀྱི་ལས་འགུལ་སྤེལ་བ་རྗེས་སུ་ཤེས་གསལ་བྱུང༌།
ས་ཡ་དྲུག་གི་ཕ་མེས་ཡང་མེས་ཀྱི།།
མིའུ་གདུང་དྲུག་ཐོག་མར་བྱུང་བའི་ཞིང༌།།
རྩེད་ཐང་རྒྱ་དང་གཡུལ་འགྱེད་དང་པོའི་གཏམ།།
ཆུ་སྒང་དཔའ་བོས་བཞག་པའི་མཛད་རྗེས་ཟབ།།
དེ་ལས་མང༌།: མདོ་ཁམས་ཆུ་བཞི་སྒང་དྲུག་གི་དཔའ་བོའི་ལོ་རྒྱུས། སྟོད་ཆ། ༢༽
མདོ་ཁམས་ཆུ་བཞི་སྒང་དྲུག་གི་དཔའ་བོའི་དམག་འཐབ་ལོ་རྒྱུས། བར་ཆ།
༼12༽
ཀོང་ཡུལ་སྟོད་སྨད་གང་ས་ནས་ཡུལ་དམག་གོ་ཧྲག་འདུ་འཛོམས་ཀྱིས་ལམ་བར་གཡུལ་འགྱེད།
སྡེ་ དགེ་དམག་སྤྱི་འབའ་ཆུང་དཔོན་ཐུབ་སྟོབས་མགོན་པོ་དང༌། སྡེ་དགེ་དམག་སྤྱི་ཕུ་མ་རིན་རྣམ། སྤང་ཁ་མགོན་པོ་བཅས་ཀྱི་འོག་དང༌། ཨ་མདོ་ཆོས་གྲགས་ཅན་གྱི་འོག་བཅས་དམག་མི་ཉིས་བརྒྱ་སྐོར་ཕྱི་ལྟར་ཨ་འབྲུག་འགོ་ དམག་བསུ་རུ་འགྲོ་མི་ཡིན་ཁུལ་དང༌། དོན་དུ་ཀོང་པོ་ཉིང་ཁྲིར་དམག་འཐབ་བྱ་འཆར་བྱས་ནས། དྭགས་པོ་བརྒྱུད་ཀོང་པོར་ཕྱིན་པར།
ལམ་བར་ནས་ཀོང་པོའི་ཡུལ་དུ་ཡོད་པའི་ རྒྱའི་དམག་སྒར་ཐོག དགྲ་བརྒྱབ་ནས་སྐར་མ་བཅོ་ལྔའི་ནང་གཏོར་རྒྱུའི་ཚོད་འཆར་གྱིས་བགྲོད་ལམ་དུ་ཟམ་ པ་ཁ་ཤས་ཡོད་པ་རྣམས་མེར་བསྲེགས་གཏོར་རྒོལ་གྱིས་ཕྱིན། དེ་ནས་རྒྱ་སྒར་དང་ཉེ་བའི་ས་ཆར་དམག་རྟ་རྣམས་བཞག
དམག་མི་ཉུང་ཤས་རྐང་ཐང་དུ་ སོང་སྟེ་དེ་ནུབ་མཚན་མོར་རྒྱ་མིའི་སོ་ཁང་ལ་འཆི་བ་ སྲོག་ལ་མི་འཛེམས་པར་རང་སྲོག་བློས་བཏང་གིས་སོ་ཁང་ལ་དམག་བརྒྱབ་པར། རྒྱ་སྒར་གྱི་མཐའ་ནས་དོང་གྲུས་ཡོད་སྟབས་རང་དམག་གིས་རྒྱ་སྒར་གཏོར་མ་ཐུབ་ཀྱང༌། རྒྱ་དམག་གི་ཐབ་ཚང་མེར་བསྲེགས་བཏང༌། རང་ཤོག་རྣམས་དཔལ་ཐལ་ཆེ་དྲག་པས།
དེ་ སྐབས་སྡེ་དགེ་བ་རྡོ་རྗེ་རྣམ་རྒྱལ་སོགས་མི་བདུན་བསད་ཤོར་དང༌། སྡེ་དགེ་བརྒྱ་དཔོན་ཡིད་ལྷུང་བ་ཇས་རུ་ཚེ་དབང་མགོན་པོ་སོགས་ཁ་ཤས་རྨས་སྐྱོན་ བྱས། རང་དམག་ཕྱིར་འཐེན་གྱིས་དྭགས་ལྷ་སྒམ་པོར་ཞག་འགའ་ཞིག་བསྡད། དེ་ནས་ཀོང་པོ་ང་ལ་བརྒལ་ཏེ་དུང་དཀར་དགོན་དུ་ཡོང༌། དུང་དཀར་དགོན་དུ་ལྷ་ཕབ་པས་ལྷའི་ལུང་བསྟན་དུ།
རང་དམག་རྣམས་ཀོང་སྨད་ཕྱོགས་ སུ་ཕྱིན་ན་བཟང་བར་ཕེབས་པ་ལྟར་ཕྱིན། ཀོང་པོ་སྨིན་གླིང་ཁུལ་ནས་བསྐྱོད་སྐབས་རྒྱ་དམར་གྱི་སོ་པ་རེད་ཟེར་བའི་མི་ གསུམ་གྱིས། ཆུ་བཞི་སྒང་དྲུག་གི་དམག་མང་པོ་ཡོང་གི་ཡོད་པའི་གཏམ་འཆལ་བཟོས་པས། སོ་པ་རེད་ཟེར་བའི་མི་གཅིག་བཟུང་སྟེ་བསད།
དེ་ནས་དམག་སྒར་ཀོང་པོ་སྦ་སྒར་ དུ་བསྡད། སྦ་སྒར་ཕྱུག་བདག་གིས་རྒྱའི་ཕྱོགས་བཟུང་སྟེ་རྒྱ་མིའི་ནང་ཕྱིན་ཚར་བར། སྦ་སྒར་ཕྱུག་བདག་གི་འབྲུ་རིགས་རྣམས་དང༌། དེ་མཚུངས་ཀོང་པོ་རྩེ་ལྷ་རྫོང་དུ་བོད་གཞུང་གི་འབྲུ་རིགས་བཅས་དམག་རྒྱག་ཏུ་ བླངས། རྩེ་ལྷ་རྫོང་དང༌། ཆབ་ནག ཐང་དཀར། བྲེ་མ་སྒང༌། སྨིན་གླིང་བཅས་སུ་རང་དམག་རྣམས་བཀྲམ་ནས་དམག་ས་བཟུང་སྟེ་བསྡད།
སྐབས་དེར་བསྟན་སྲུང་དྭང་བླངས་དམག་གི་སྤྱི་ཁྱབ་ལི་ཐང་ཨ་འབྲུག་མགོན་པོ་བཀྲིས་ མཆོག་གི་གཙོས། དམག་དཔུང་རྣམས་སྤོ་བོ་པྲ་མོག་ལམ་བརྒྱུད་དང༌། བྲག་གསུམ་གྱེན་ལ། ཡང་ན་བྱང་བརྒྱུད་ལྷ་རི་འགོ་དང༌། གང་འོས་ཕེབས་འཆར་སྐོར་ཨ་འབྲུག་མགོན་བཀྲ་ནས་ཀོང་པོ་བྲག་གསུམ་འགྱུར་མེད་ཀོང་ པོ་ཆེད་བཏང་གནས་འཕྲིན་འབྱོར་བ་དང༌། དེ་འཕྲལ་འཆར་གཞི་སྔོན་ཟིན་ལྟར།
ཀོང་ པོ་བྲག་གསུམ་འབྲུག་ལ་ཁུལ་ནས་ཀོང་པོ་བྱང་རྒྱུད་ཀྱི་དྭང་དམག་ནང་དོན་གོ་ སྒྲིག་ཟིན་པ་དང༌། ཀོང་པོར་སྔོན་བསྐྱོད་སྡེ་དགེ་དམག་ཤོག་དང༌། ཨ་མདོ་དམག་ཤོག་གཉིས་ཀྱིས་ལྷོ་ཁ་ནས་ཀོང་པོ་བར་དམག་ལམ་འཁེལ་ཡུལ་མི་མང་ལ། དོན་མེད་ངལ་དུབ་བཟོས་པའི་གླེང་གྲགས་ཆེན་པོ་བྱུང་སྟབས།
བཅོམ་འཕྲོག་བརྡབ་ གསིག་རིགས་ཇི་ལྟར་བྱུང་ཡོད་མེད་ཞིབ་འཇུག་ཆེད་ལྷོ་ཁ་ནས་ཤོག་ ཁའི་གཙོ་འཛིན་ཆབ་མདོ་རྡོ་ཚེ་དང༌། སྨར་ཁམས་རབ་རྒྱས། ཤོག་ཁའི་མི་འཐུས་རྒྱལ་ཐང་དམ་ཆོས་རྒྱལ་མཚན། བློ་གྲོས། ཨ་མདོ་ཁ་ཏོ་ཅན་གཙོས་རྟ་དམག་ ༢༥ ཀོང་པོར་འབྱོར་ཏེ་གནད་ཡོད་མི་སྣ་ཡོངས་རྫོགས་ཚོགས་འཛོམ་གྱིས་ལས་དོན་ཞུ་ ཕྱོགས་སྐོར་གྲོས་བསྡུར་ཞིབ་བྱས་མཐར།
ཨ་མདོ་དམག་ཤོག་ནས་མི་མང་ལ་བརྡབ་ གསིག་ཆེ་བ་བྱས་སྟབས། ལྷོ་ཁར་ཕྱིར་ལོག་བྱེད་རྒྱུ་དང༌། ཀོང་པོ་དང༌། སྡེ་དགེ་གཉིས་ཀྱི་དམག་ཤོག་རེ་ཞིག་ཀོང་པོ་བ་གར་རང་དུ་དམག་སྒར་བཏབ་སྟེ་སྤོ་ བོ་ཁུལ་འཇབ་དམག་ཁག་བགོས་བྱེད་རྒྱུའི་ཐག་གཅོད་བྱས། ཐོག་མར་རྩེ་ལྷ་རྫོང་འོག་ནས་མི་རྟ་གོ་ཧྲག་མདའ་རྫས་རང་འགྲིག་དམག་གྲངས་ ༣༠༠
ཐམ་ པའི་འཆར་བཀོད་ཞུས་ཡོད་ཀྱང་དངོས་གཞི་སྦ་གར་ཐང་དུ་ཟླ་ཚེས་དང་བསྟུན་ཏེ། དམག་བཀོད་མཛད་སྒོ་དང༌། གོ་ལག་ཞིབ་བཤེར་སྐབས་ཀོང་དམག་སྔོན་འཆར་ལས་བརྒལ་ཏེ་ཡུལ་དམག་གོ་ཧྲག་མདའ་རྫས་ རང་འགྲིག ༥༧༨ དུས་ཅིག་ཏུ་འདུས་ཤིང༌། བསྟན་སྲུང་དྭང་བླང་དམག་གི་དར་ཆ་མཁའ་དབྱིངས་སུ་བསྒྲེངས་ཏེ། དམག་སྤྱི་བརྒྱ་དཔོན་བཅས་ཀྱི་བཀོད་སྒྲིག་ཞུས།
ཀོང་དམག་གཙོ་འཛིན་ཀོང་སྟོད་ དྲི་མེད་སྟེང་མཁར་པདྨ་ཀུན་བཟང༌། དམག་སྤྱི་དེ་མོ་བདེ་སྐྱིད་ཁང་གསར་པད་མ་ཚེ་དབང༌། དམག་སྤྱི་གཞོན་པ་ཉིང་ཁྲི་དབང་ར་ལྷ་དབང་ཚེ་རིང༌། བརྒྱ་དཔོན་གཏམ་སྙན་སངས་རྒྱས་རྡོ་རྗེ་སོགས་ལ། སྐབས་བབས་དགོས་པ་གལ་ཆེའི་ལས་འགན་གནས་རིམ་བསྐོ་བཞག་དང་འབྲེལ་འབའ་ཆུང་མཐུ་ སྟོབས་མགོན་པོ་དང༌།
དམག་སྤྱི་བདེ་ཁང་པདྨ་ཚེ་དབང་གཉིས་ནས་དམག་ཁྲིམས་དང༌། ཐབས་བརྒྱ་ཇུས་སྟོང་གི་དགྲ་འཐབ་མཐའ་ནན་བྱེད་སྒོ་བཅས་ཀྱི་བཀའ་སློབ་ལྷུག་པོ་ གནང༌།
སྐབས་དེར་བརྒྱ་ཤོག་གཉིས་ནས་ཀོང་པོ་བྱང་ཕྱོགས་ཉིང་ཁྲི་དང༌། རྒྱ་མདའ་རྒྱུད་ཀྱི་མོ་ཊ་ལམ་ཁག་གཏོར་རྒོལ་བྱེད་རྒྱུ་དང༌། བརྒྱ་ཤོག་གཉིས་ཀྱིས་སྤོ་བོ་དང༌། ཆབ་མདོ་རྒྱུད་ཀྱི་འཁོར་ལམ་ཁག་ལ་སྒུག་ར་སྤྲད་དེ་གཏོར་རྒོལ་བྱེད་རྒྱུ་བཅས་ ཀྱི་གྲོས་ཐག་བཅད་བྱས།
དེ་བྱིངས་གནས་སྐབས་ཀོང་པོ་བ་གར་རང་དུ་བསྡད་དེ་ཀོང་ པོ་རྫོང་ཡོངས་ཀྱི་དྭང་ དམག་གོ་སྒྲིག་ཟིན་མཚམས་སུ་ཉིང་ཁྲིའི་རྒྱ་དམར་གྱི་སྤྱི་ཁྱབ་ལས་ཁུངས་དང༌། དམག་སྒར་ཐོག་དགྲ་འཐབ་བྱེད་རྒྱུ་བཅས་ཀྱི་ཐག་བཅད་བྱས།
གོང་གསལ་དམག་ཁག་ གཉིས་ཀྱི་མི་རྟའི་བཟའ་བཅའ་ཅི་དགོས་ལེགས་བསྡུར་སྐབས་ཀོང་སྨད་ གཏམ་སྙན་སངས་རྒྱས་རྡོ་རྗེ་ལགས་ནས་སྔ་འཕྲོས་མི་མང་ཡོངས་ལ་བརྡབ་སིག་མ་དགོས་ པར་ལོ་གསུམ་རིང་ཤ་མར་དང༌། འབྲུ་རིགས་དངུལ་སོགས་མི་རྟའི་དགོས་མཁོ་རྣམས། ཁོང་རང་གི་ཁྱིམ་ཚང་ནས་གཏོང་རྒྱུའི་དྭངས་བླང་ཁས་ལེན་གནང་བ་དང༌།
དེ་ནས་རིམ་བཞིན་ཡུལ་མི་འབྱོར་ལྡན་རྣམས་ཀྱིས་ལོ་གྲངས་རེས་མོས་ཀྱིས་མི་རྟའི་འགྲོ་གྲོན་གཏོང་རྒྱུའི་ཁས་ལེན་གནང༌།
ཚེ་སྲོག་གཤིན་སར་བསྐྱལ་ལ་མི་འཚེར་བའི།
ཕོ་རྒོད་དྭངས་བླངས་དཔའ་བོ་ཁྱུ་གཅིག་གིས།
དེ་ཤོད་ཀོང་པོ་རྒྱ་ཞིང་སྒུག་ར་ལ།
གཡུལ་འཐབ་དང་པོ་བྱས་པའི་ལོ་རྒྱུས་རིང༌།
དེ་ལས་མང༌།: མདོ་ཁམས་ཆུ་བཞི་སྒང་དྲུག་གི་དཔའ་བོའི་དམག་འཐབ་ལོ་རྒྱུས། བར་ཆ།
མདོ་ཁམས་ཆུ་བཞི་སྒང་དྲུག་བསྟན་སྲུང་དྭངས་བླངས་དཔའ་བོའི་དམག་ འཐབ་ལོ་རྒྱུས། སྨད་ཆ།
༼26༽
༧གོང་ས་རྒྱལ་དབང་ཐམས་ཅད་མཁྱེན་པ་སྐུ་འཁོར་རྣམས་
བཙན་བྱོལ་དུ་ཕེབས་བསུ་ཞུ་རྒྱུའི་གོ་སྒྲིག
དེའི་དགོང་མོར་མེ་སྒྱོགས་ཐེངས་གཉིས་རྒྱབ་བྱུང་བར་མདེའུ་ཕོ་བྲང་བྱང་སྒོའི་ ཕྱི་ངོས་ཀྱི་ཆུ་འདམ་དུ་ལྷུངས་ཤིང༌། དེ་ནི་ཕལ་ཆེར་བོད་མི་དམངས་ལ་ཞེ་སྣང་སྐུལ་བ་དང༌། ཕྱོགས་གཅིག་ནས་ས་ཐག་རིང་ཐུང་ཚད་ལེན་བྱེད་པའང་ཡིན་སྲིད།
ཛ་དྲག་ཧ་ཅང་ཆེ་ བའི་གནས་ཚུལ་འོག་གསང་བའི་ཡི་གེ་ཞིག་འབྱོར་པ་དེའི་ནང༌། ལྷ་སའི་ཁུལ་གྱི་རྒྱ་མིའི་རྣམ་འགྱུར་ལ་བལྟས་ན་ཡག་རྟགས་མི་འདུག་པ་བོད་བསྟན་ སྲིད་དང་ྋགོང་ས་མཆོག་གི་སྐུ་ཕྱ་བཅས་ཀྱི་ཉེན་སྲུང་ཆེད་ཆུ་སྒང་དམག་སྒར་གྱིས་ སྔར་བས་གཟབ་ནན་བྱེད་དགོས་པའི་བླངས་བྱ་བཏོན་ཡོད་པ་རེད།
དེར་བརྟེན་རང་ཕྱོགས་ནས་གལ་སྲིད་ྋགོང་ས་མཆོག་ཉེན་ཡོལ་དུ་ཕེབས་དགོས་བྱུང་ན་ས་ གནད་ཆེ་ས་དེ་རྩེད་ཐང་ཡིན་པ་དང༌། དེ་དང་ཆུ་སྒང་དམག་སྒར་ལྟེ་བ་ཡོད་ས་ལྷ་རྒྱལ་རི་དབར་རྒྱང་ཐག་ཅུང་ཟད་རིང་བས།
དེ་ལས་ཡར་ཀླུང་ལ་སྤོས་ན་དགེ་མཚན་ཆེ་ཚུལ་ཐག་གཅོད་བྱུང་དོན་བཞིན་ཛ་དྲག་འ་ འུར་་ཐོག་ནས་དམག་སྒར་ལྟེ་བ་ལྷ་རྒྱལ་རི་ནས་ཡར་ཀླུང་ལ་སྤོས་ཏེ་ཕྱོགས་གཅིག་ནས་ ཉེར་མཁོ་བཅའ་དངོས་རྣམས་དབོར་འདྲེན་དང་ ཕྱོགས་གཅིག་ནས་དགྲ་འཁྲུགས་སྒུག་རའི་ས་གནད་ཁག་གྲ་སྒྲིག་ཨང་གསར་བྱས།
དེ་ལས་མང༌།: མདོ་ཁམས་ཆུ་བཞི་སྒང་དྲུག་བསྟན་སྲུང་དྭངས་བླངས་དཔའ་བོའི་དམག་ འཐབ་ལོ་རྒྱུས། སྨད་ཆ།
