གསར་འགྱུར།
ཆུ་སྒང་༥༠ དུས་དྲན་གྱི་མཇུག་བསྡོམས་མཛད་སྒོ།
ཆུ་སྒང་༥༠ དུས་དྲན་གྱི་མཇུག་བསྡོམས་མཛད་སྒོ།
མདོ་ཁམས་ཆུ་བཞི་སྒང་དྲུག
་བོད་ཀྱི་བསྟན་སྲུང་དང་བླངས་དམག་གི་སྒྲིག་འཛུགས་དེ་ཉིད་ཕྱི་ལོ་༡༩༥༨ ལོའི་ཕྱི་ཟླ་༦ ཚེས་༡༦ ཉིན་ལྷོ་ཁ་ལྕགས་ཚ་གྲུ་གུ་ཐང་དུ་གསར་འཛུགས་བྱས་ནས་མི་ལོ་ཧྲིལ་པོ་ལྔ་བཅུ་འཁོར་བའི་དུས་དྲན་ཕྱི་ལོ་༢༠༠༨ ལོའི་དུས་དྲན་ནས་འགོ་འཛུགས་ཀྱིས་ལོ་གཅིག་ཧྲིལ་པོར་སྲུང་བརྩི་ཞུས་པ་དང༌། ལོ་སྔོན་མའི་མཛད་སྒོའི་སྐབས་བཙན་བྱོལ་བོད་གཞུང་གི་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་དབུས་སེར་སྐྱ་མི་མང་ཕོན་ཆེ་འདུ་འཛོམས་ཀྱིས་བཞུགས་སྒར་དྷ་ས་རུ་དུས་དྲན་སྲུང་བརྩི་གཟབ་རྒྱས་ཞུས་ཡོད་པ་དང༌། ལོ་འདིར་ལྡི་ལི་རུ་མཇུག་བསྡོམས་མཛད་སྒོ་གཟབ་རྒྱས་ངང་སྲུང་བརྩི་ཞུས་ཡོད་པ་རེད།
དེ་ཡང་ཟླ་འདིའི་ཕྱི་ཚེས་༡༦ ཉིན་ལྡི་ལི་ཆུ་སྒང་ཁང་བརྩེགས་ཆེན་མོའི་ཡང་སྟེང་དུ་སྐུ་མགྲོན་གཙོ་བོ་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཟུར་པ་བྱ་དུར་བསོད་ནམས་བཟང་པོ་མཆོག་དང༌། དམིགས་བསལ་སྐུ་མགྲོན་སྤྱི་འཐུས་རྒྱུན་ལས་ཀྱི་སྐུ་ཚབ་སྤྱི་འཐུས་ག་ཟི་དགེ་བཤེས་ཚེ་རིང་པོ་མཆོག་དང༌། སྤྱི་འཐུས་ཚོགས་ཟུར་དབུས་གཙང་སྤྱི་འཐུས་ཀརྨ་ཆོས་འཕེལ་མཆོག གཞན་ཡང་ཆོལ་ཁ་དང་ཆོས་བརྒྱུད་ཀྱི་སྤྱི་འཐུས་ཁག་ཅིག་ཀྱང་ཕེབས་ཡོད་པ་མ་ཟད། ས་གནས་རྒྱ་གར་གཞུང་གི་སྐུ་མགྲོན་ཁག་ཅིག་ཀྱང་གདན་འདྲེན་ཞུས་པ་ལྟར་ཕེབས་ཡོད་པ་རེད།
གསར་འགྱུར།
མདོ་ཁམས་ཆུ་བཞི་སྒང་དྲུག་འགན་འཛིན་ལྷན་ཚོགས་ཐེངས་ ༣༩ པ།
མ
དོ་ཁམས་ཆུ་བཞི་སྒང་དྲུག་འགན་འཛིན་ལྷན་ཚོགས་ཐེངས་༣༩པ་ཕྱི་ལོ་༢༠༠༩ལོའི་ཟླ་༤ཚེས་༢ནས་ཚེས་༤བར་ཉིན་གསུམ་རིང་དབུས་སྤྱི་ཁྱབ་རྒྱུན་ལས་ཁང་དུ་བསྐོང་འཚོགས་གནང་སྐབས་གྲོས་གཞི་དང་གྲོས་ཆོད་ཁག་གཤམ་གསལ།དོན་ཚན་དང་པོ།
གྲོས་གཞི། སྤྱི་ནོར་གོང་ས་ྋསྐྱབས་མགོན་ཆེན་པོ་མཆོག་གི་མཛད་འཕྲིན་རྒྱས་ཐབས་དང༌། སྐུ་ཚེར་དུས་མིན་གྱི་འགལརྐྱེན་ཕྲ་མོ་ཙམ་ཡང་མི་འབྱུང་བའི་ཐབས་ལམ་ཇི་དགེའི་སྐོར་བགྲོ་གླེང་གནང་རྒྱུ/
གྲོས་ཆོད།
སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གི་སྐུ་ཚེར་དུས་མིན་འགལ་རྐྱེན་ཕྲ་ མོ་ཙམ་མི་འབྱུང་བའི་ཆེད་རྒྱ་གར་དབུས་སའི་གཞུང་དང༌། རང་གཞུང་བདེ་སྲུང་ལས་ཁུངས་ཀྱིས་ཐུགས་འགན་རྐང་བཞེས་གནང་སྟེ། ད་བར་སྐུ་ཚེར་ཉེར་འཚེའི་རྡུལ་ཙམ་ཡང་མ་གོས་པར་བསྟན་འགྲོའི་མགོན་དཔུང་དམ་པར་ བཞུགས་པར་དགའ་གུས་ཆེན་པོས་ཐུགས་རྗེ་ཆེ་ཞུ་རྒྱུ་དང༌། མདོ་སྟོད་སེར་སྐྱ་མི་མང་གིས་མགོན་པོ་གང་གི་མཛད་འཕྲིན་ཉིན་རེ་བཞིན་ཡར་ངོའི་ ཟླ་ལྟར་རྒྱས་ཐབས་སུ་རང་ནུས་གང་ཐེག་ཕྱར་གྲུ་མཉམ་འདེགས་ཞུ་རྒྱུ་བཅས་ཀྱི་སྤྱི་མོས་གྲོས་ཆོད་དུ།
དོན་ཚན་གཉིས་པ། གྲོས་གཞི།
འདས་པའི་རྒྱལ་གཅེས་དཔའ་བོ་དཔའ་མོར་གུས་བརྩི་ཆེན་པོས་གདུང་སེམས་མཉམ་བསྐྱེད་དང༌། བོད་ནང་གི་ཛ་དྲག་གི་གནས་བབས་སྐྱོབས་ཐབས། དེ་བཞིན་བོད་བསྟན་པ་ཆབ་སྲིད་ཀྱི་གནད་དོན་བཅས་ཀྱི་ཐོག་སྤྱི་ཡོངས་ཀྱི་བགྲོ་ གླེང་གནང་རྒྱུ།
གྲོས་ཆོད།
དེ་ལས་མང༌།: མདོ་ཁམས་ཆུ་བཞི་སྒང་དྲུག་འགན་འཛིན་ལྷན་ཚོགས་ཐེངས་ ༣༩ པ།
ཆུ་སྒང་འགན་ལྷན་ཚོགས་ཆེན་ཐེངས་༣༩ པ་དང་དྲ་རྒྱ་དབུ་འབྱེད།
ཕྱི་ལོ་ ༢༠༠༨ ལོའི་ཟླ་ ༡༢ ཚེས་ ༢༥ ཉིན་དབུས་སྤྱི་ཁྱབ་རྒྱུན་ལས་ཁང་གིས་ཡོངས་ཁྱབ་གསལ་བསྒྲགས་ནང་འགན་འཛིན་ལྷན་ཚོགས་ཐེངས་ ༣༩ པའི་ཚོགས་ཆེན་སྒྲིག་དོན་གཞིར་བཟུང་བསྐོང་འཚོགས་གནང་རྒྱུའི་ས་གནས་སྒྲིག་འཛུགས་སོ་སོར་ཚོགས་བརྡ་སྔོན་བཏང་ནང་གྲོས་གཞི་རགས་ཟིན་ས་བོན་བོད་བསྟན་པ་ཆབ་སྲིད་དང་འབྲེལ་བའི་སྐོར་དང༌། ཆུ་སྒང་དབུས་ས་གཉིས་ཀྱི་འཛིན་སྐྱོང་ཚགས་ཚུད་གནང་ཕྱོགས། དབུས་སའི་ལས་བསྡོམས་སྙན་སྒྲོན་གནང་རྒྱུ་དང་དེའི་སྐོར་བགྲོ་གླེང༌།
དེ་ལས་མང༌།: ཆུ་སྒང་འགན་ལྷན་ཚོགས་ཆེན་ཐེངས་༣༩ པ་དང་དྲ་རྒྱ་དབུ་འབྱེད།
ལྔ་བཅུའི་དུས་དྲན་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།
བོད་ཁ་བ་གངས་ཅན་ལྗོངས་ལ་ཀུན་གྱིས་བལྟ་བཀློག་ཐུབ་པའི་མི་ལོ་ཉིས་སྟོང་ལྷག་གི་ལོ་རྒྱུས་ཀྱི་ཕུང་པོ་ཡིག་ཐོག་འདྲ་མིན་དུ་གསལ་བར་ཡོད་པའི་ནང་རྒྱལ་ཁབ་དང༌། མི་རིགས། བསྟན་པ། ཆབ་སྲིད་བཅས་ལ་དར་རྒུད་ཀྱི་གནས་སྟངས་འདྲ་མིན་བྱུང་ཡོད་ཅིང༌། གནའ་བོར་ཕྱི་ལོ་བརྒྱ་ཕྲག་བདུན་པ་དང༌། བརྒྱད་པའི་ནང་གྲགས་ཅན་བཙན་པོ་གསུམ་གཙོ་བོར་གྱུར་བའི་བོད་ཀྱི་མངའ་བདག་རྣམས་ནས་བོད་རྒྱ་རྒྱལ་ཁབ་གཉིས་དབར་ས་མཚམས་གསལ་དབྱེ་དང༌། རྟེན་འབྲེལ་ཉི་ཟླ་སྐར་གསུམ་སོགས་དཔང་པོར་བཙུགས་ཏེ་ཕན་ཚུན་དབར་དམག་འཐབ་དང༌། དབང་སྒྱུར་མི་བྱེད་པའི་དམ་བཅའ་བཞག་ཏེ་རྩ་དོན་དུ་རྒྱ་རྒྱ་ཡུལ་དུ་སྐྱིད་པ་དང༌། བོད་བོད་ཡུལ་དུ་སྐྱིད་པར་ངོས་འཛིན་ཁས་ལེན་གཙང་མ་བྱུང་ཡོད་པ་དེ་ལྟར་ཡང་དེ་དག་ལ་རྒྱ་དམར་གཞུང་གི་འགོ་འཛིན་པ་ཚོས་དམ་འཛིན་མེད་པར་ཕྱི་ལོ་༡༩༤༩ལོར་རྒྱལ་སྤྱིའི་ཁྲིམས་དང་རྩ་འགལ་གྱིས་བོད་ཆོས་ལྡན་རྒྱལ་ཁབ་ཐོག་དབང་སྒྱུར་བྱ་འགོ་བཙུགས་ཡོད། དེ་ནས་རྩིས་ཏེ་ད་ཆ་མི་ལོ་བཅུ་ཕྲག་དྲུག་ལ་ཉེ་བའི་དུས་ཡུན་འདི་དག་ནི་བོད་ལ་ཤིན་ཏུ་ཐབས་སྡུག་དང༌། འཁྲུག་ཆ་ཆེ་བའི་དུས་ངན་ཞིག་ཡིན་པས་གོང་ཞུས་དུས་ཡུན་རིང་པོའི་ལོ་རྒྱུས་ནང་འདི་དག་ལས་སྡུག་པ་བྱུང་མ་མྱོང་བར་ངོས་འཛིན་བྱས་ན་འགྲིགས་ངེས་སྙམ།དེ་ལས་མང༌།: ལྔ་བཅུའི་དུས་དྲན་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།
དེ་ལས་མང་བའི་རྩོམ་ཡིག...
ཤོག་ངོས། 5 of 6
