རྒས་གསོ་ཁང་དུ་འཚམས་འདྲིའི་གཟིགས་སྐོར།

མདོ་ཁམས་ཆུ་བཞི་སྒང་དྲུག་གི་རྒས་གསོ་ཁང་ནི་ཀ་ལ་མན་གྲུར་དབུ་བཙུགས་ནས་བཟུང་ད་བར་རྒས་གཅོང་ཉམ་ཐག་མི་ཉུང་བ་ཞིག་ལ་ལོ་མང་རིང་ཞབས་ཞུ་ཞུས་ཡོད་པ་ལོ་ལྟར་དབུས་སྤྱི་ཁྱབ་རྒྱུན་ལས་ཁང་གི་རྒྱུན་ལས་ཚོས་འཚམས་འདྲི་དང་གཟིགས་སྐོར་གནང་གི་ཡོད་པ་ལྟར་བོད་ལྕགས་སྟག་ལོའི་གནམ་ལོ་གསར་ཚེས་ཀྱི་དགའ་སྟོན་རྟེན་འབྲེལ་གྱི་ཉིན་མོ་བོད་ཟླ་དང་པོའི་ཚེས་གཉིས་ཕྱི་ལོ་ ༢༠༡༠ ལོའི་ཟླ་ ༢ ཚེས ༡༥ ཉིན་དབུས་སྤྱི་ཁྱབ་རྒྱུན་ལས་ཁང་གི་ཚོགས་དགེ་བཤེས་གཡུང་དྲུང་རྒྱལ་མཚན་དང་། དངུལ་གཉེར་སྐྱུར་ར་དཔའ་རྡོ་གཉིས་རྒྱལ་ས་ལྡི་ལི་ནས་ཐོན་ཏེ་ལྡེ་ར་སྡུན་ཆུ་སྒང་རྒས་གསོ་ཁང་དུ ཆེད་ཕེབས་གནང་སྟེ་ཕྱི་ནང་ཁོར་ཡུག་ལ་གཟིགས་རྟོགས་དང་། དེ་བཞིན་བཞུགས་གནས། གཟིམས་ཆས་གདན་དང་བཅས་པར་ཞིབ་སྟེ་ཚོགས་པས་རྒས་ཁོག་རྣམས་ལ་དམིགས་བསལ་གཟིམ་ཆས་དང་གདན་སོགས་དགོས་ངེས་རིགས་གསོལ་རས་གནང་བ་མ་ཟད། མི་ཚེའི་སྣེ་མོ་འདིར་ཁོང་རྣམ་པར་བློ་བདེ་བག་ཕེབས་དང་འཚོ་གནས་གང་ཐད་ནས་དཀའ་ངལ་མེད་པ་མི་ཚེ་མཐའ་འཁྱོལ་ཐུབ་པའི་ཞབས་ཞུ་གནང་རྒྱུ་ཡིན་གསུང་ཡོད་པ་དང་། དེ་མཚུངས་རྒས་ཁོག་ཚོས་ཀྱང་མི་ཚེའི་མཐའ་མའི་ནང་ལས་དོན་གཞན་འགྲུབ་ཐུབ་པའི་སྐུ་གཟུགས་ཀྱི་ནུས་པ་དབེན་ནའང་འདི་ཕྱི་གཉིས་ཀའི་ཆེད་དུ་རང་ནུས་གང་ཅོག་གིས་དགེ་སྦྱོར་ལ་འབད་བསྒྲུབ་ཞུ་རྒྱུའི་གོ་སྐབས་བཟང་པོ་ཡིན་སྟབས་དུས་ཚོད་ཆུད་ཟོས་སུ་མི་འགྲོ་བ་གནང་དགོས་པ། དེ་བཞིན་རང་སེམས་གཅུན་ཏེ་གུ་ཡངས་བདེ་ཚོར་གྱི་དཔལ་ལ་ལོངས་སུ་སྤྱོད་དགོས་པའི་བསླབ་བྱ་དང་ལམ་སྟོན་ཞུས་རྗེས་གསོལ་ཚིགས་འདེགས་འབུལ་དང་མཉམ་རོལ་ཞུས་ཏེ་དབུས་སྤྱི་ཁྱབ་རྒྱུན་ལས་ཁང་དུ་ཕྱིར་ཕེབས་གནང་

རི་དགོན་ཐུབ་བསྟན་སྨིན་གྲོལ་གླིང་དབུ་འབྱེད་གནང་བ།

སྐྱབས་ རྗེ་གཏེར་སྟོན་དྲི་མེད་རབ་འབྱམས་རིན་པོ་ཆེའི་གདུང་སྲས་དགྱེས་སྤྲུལ་འཇིགས་ མེད་རིན་པོ་ཆེའི་གདན་ས་རི་དགོན་ཐུབ་བསྟན་སྨིན་གྲོལ་གླིང་ཕྱི་ནང་གི་རྟེན་དང་ བརྟེན་པ་ཕུན་སུམ་ཚོགས་པ་ཨོ་རིས་ས་ཕུན་ཚོགས་གླིང་དུ་བཞེངས་བསྐྲུན་ཡོངས་སུ་ གྲུབ་སྟེ་ཕྱི་ལོ་ ༢༠༡༠་ལོའི་ཟླ་ ༡ ཚེས་ ༡༡ ཉིན་སྤྱི་ནོར༸གོང་ས་སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་གཟིགས་ཆེན་པོ་ མཆོག་གདན་ཞུས་ཀྱིས་ཕྱི་ནང་སེར་སྐྱ་སྟོང་ཕྲག་མང་པོ་འདུ་འཛོམས་སར་དགོན་པ་དབུ་ འབྱེད་བཀྲ་ཤིས་མངའ་དབུལ་རབ་གནས་ཀྱི་མཛད་སྒོ་གྲ་རྒྱས་ཕུན་སུམ་ཚོགས་པ་གནང་ སྐབས་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་སྐུ་ མགྲོན་དུ་གདན་ཞུས་གནང་བ་ལྟར་ཆེད་བཅར་ཞུ་ཐུབ་པ་བྱུང་བ་དང་། གོང་ས་མཆོག་གིས་དབུ་ཁྲིད་པའི་གཞུང་གི་མཛད་གཙོ་རྣམ་པ་དང་གནད་ཡོད་ཀྱི་བླ་ སྤྲུལ་དུ་མ་མཇལ་བཅར་ཞུ་ཐུབ་པ་སོགས་དོན་ཕན་ཆེན་པོ་བྱུང་ཡོད་པ་ཙམ་མ་ཟད། སྐྱབས་རྗེ་རྣམ་པ་དང་གུས་འབངས་མདོ་ཁམས་ཆུ་བཞི་སྒང་དྲུག་དབར་བླ་སློབ་དམ་ཚིག་ གི་རེ་ཁ་གང་བ་དང་། གདན་ས་དེ་ཉིད་ནི་མ་འོངས་འགྲོ་བ་སྤྱི་ཡི་བསོད་ནམས་གསོག་སའི་ཞིང་མཆོག་བླ་ན་ མེད་པ།

དེ་ལས་མང༌།: རི་དགོན་ཐུབ་བསྟན་སྨིན་གྲོལ་གླིང་དབུ་འབྱེད་གནང་བ།

རྡ་ས་ས་གནས་ཡན་ལག་ནོར་གླིང་ཟློས་གར་ཚོགས་པས་གོ་སྒྲིག་བྱས་པའི་ཐུགས་སྤྲོ།

ཕྱི་ལོ་  ༢༠༠༩ ལོའི་ཟླ་  ༡༡  ཚེས་ ༢༩  ཉིན་མདོ་ཁམས་ཆུ་བཞི་སྒང་དྲུག་རྡ་ས་ས་གནས་ཡན་ལག་ནོར་གླིང་ཟློས་གར་ཚོགས་པས་གོ་སྒྲིག་གིས་ནོར་བུ་གླིང་ཁར་ཐུགས་སྤྲོའི་འདུ་འཛོམས་གཞི་རྒྱ་ཆེན་པོ་ཞིག་སྤེལ་ཡོད་པ་རེད།  སྐབས་དེར་སྐུ་མགྲོན་གཙོ་བོ་བོད་མི་མང་སྤྱི་འཐུས་དང་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་དགེ་བཤེས་གཡྲུང་རྒྱལ་མཚན་མཆོག་གདན་ཞུས་གནང་སྟེ་མཛད་རིམ་དངོས་གཞི་དབུ་འཛུགས་སྐབས་ཚོགས་གཙོ་མཆོག་གི་གསུང་དོན།  འདས་པའི་མདོ་ཁམས་ཆུ་བཞི་སྒང་དྲུག་གི་བྱུང་རབས་དང།  དཀའ་ངལ། ཆུ་སྒང་སྒྲིག་འཛུགས་ཀྱི་ཉམས་གུད།  ད་ལྟའི་ཆུ་སྒང་ཚོགས་པའི་ལས་དོན་དང་ལས་འཆར།  དེ་བཞིན་ད་བར་བོད་ནས་གསར་དུ་ཕེབས་པའི་ཁམས་རིགས་མི་མང་ལ་རོགས་རམ་མཐུན་རྐྱེན་རྒྱ་ཆེན་བསྐྲུན་མ་ཐུབ་པའི་གནད་འགག    མ་འོངས་ཁམས་རིགས་སྤྱི་དང།  བྱེ་བྲག་ཛ་དྲག་གི་དཀའ་ངལ་ཅན།  དེ་བཞིན་མཐོ་སློབ་འགྲིམས་མཁན་ཚོར་རོགས་རམ་གང་ཐུབ་འབད་བརྩོན་བྱ་འཆར་བཅས་གསུང་བཤད་གནང་བ་དང་།  ད་ལྟའི་ཆར་ཟློས་གར་དང་འདི་གའི་སྒྲིག་འཛུགས་ཀྱི་རྟེན་རྩ་ཆེད་དུ་ཡིན་ཞེས་སྒོར་༥༠༠༠༠/-  གནང་ཡོད་པ་རེད།  གཞན་ཡང་སྐུ་མགྲོན་དུ་བོད་མི་མང་སྤྱི་འཐུས་རྒྱུན་ལས་རྣམ་པ་ཁག་གཅིག་དང།  ནོར་གླིང་དུ་བཞུགས་པའི་གནད་ཡོད་མི་སྣ་ཁག   དེ་བཞིན་མདོ་ཁམས་ཆུ་སྒང་རྡ་ས་ས་གནས་རྒྱུན་ལས་རྣམ་པ།  ཁམས་རིགས་སེར་སྐྱ་སྟོང་ཕྲག་ལས་བརྒལ་བ་འདུ་འཛོམས་བྱུང་སྟེ་ཁ་དགེ་བཀྲ་ཤིས་ཀྱི་ངང་ནས་འདུ་འཛོམས་གྲོལ་ཡོད་པ་རེད།

ཆུ་བཞི་སྒང་དྲུག་གི་ཚོགས་གཙོ་དགེ་བཤེས་གཡུང་དྲུང་རྒྱལ་མཚན་མཆོག་ཨ་རིའི་ཡུལ་གྲུ་རྣམས་ལ་འཚམས་གཟིགས།

༄༅། །བོད་ཀྱི་བསྟན་སྲུང་དང་བླངས་དམག་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་དགེ་བཤེས་གཡུང་དྲུང་རྒྱལ་མཚན་མཆོག་ཕྱི་ལོ་༢༠༠༩ ལོའི་ཟླ་ ༡༠ ཚེས་ ༢༣ ནས་ཕྱི་ཟླ་ ༡༡ ཚེས་ ༢༢ བར་ཨ་རིའི་རྒྱལ་ཁོངས་ཀྱི་མངའ་སྡེ་མང་པོའི་ནང་བོད་དོན་དང་མདོ་ཁམས་ཆུ་བཞི་སྒང་དྲུག་གི་སྒྲིག་འཛུགས་དེའི་ཁྱབ་ཁོངས་མི་མང་གི་ཆེད་དུ་འཚམས་འདྲི་གཟིགས་སྐོར་དང། ཆབ་སྲིད་ཀྱི་ལས་འགུལ་བསྐྱང་བའི་གནས་དོན་ཁག་ནས་ཐོག་མར་ཨ་རི་ནེའུ་ཡོག་ཏུ་རྟེན་གཞི་བྱས་པའི་མདོ་ཁམས་ཆུ་བཞི་སྒང་དྲུག་གིས་གོ་སྒྲིག་གནང་བ་ལྟར་ཨ་རི་ཁ་ལིས་ཕོ་ནིས་ཡ་མངའ་སྡེའི་ཁྱབ་ཁོངས་སན་ཕ་རན་སིས་སི་ཀོ་རུ་རྒྱ་གར་གྱི་རྒྱལ་ས་ལྡི་ལི་གསར་པ་ནས་ཨེ་ཤ་ཡི་གནམ་གྲུའི་ཐོག་ཀོ་རི་ཡ་རྒྱལ་ས་སིས་ཝོལ་བརྒྱུད་ཕྱི་ཟླ་ ༡༠ ཚེས་ ༢༣ ཉིན་ནིའུ་ཡོག་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་སྒ་པ་ཚེ་རིང་རྡོ་རྗེ་དང་། སན་ཕ་རན་སིས་སི་ཀོ་རུ་གཏན་སྡོད་གནང་བའི་ཁམས་པའི་ཕོ་རྒོད་ལི་ཐང་བསྟན་འཛིན་གཉིས་ཀྱིས་རྒྱལ་སྤྱིའི་གནམ་ཐང་དུ་ཕེབས་བསུ་དང་བཅས་ཏེ་བདེ་འབྱོར་ཐུབ་པ་བྱུང་ཡོད།

དེ་ལས་མང༌།: ཆུ་བཞི་སྒང་དྲུག་གི་ཚོགས་གཙོ་དགེ་བཤེས་གཡུང་དྲུང་རྒྱལ་མཚན་མཆོག་ཨ་རིའི་ཡུལ་གྲུ་རྣམས་ལ་འཚམས་གཟིགས།

ཡིད་སྐྱོའི་གནས་ཚུལ།

  ཆུ་སྒང་རྒྱུན་ཟུར་ཅུང་པ་བསྟན་པ་དབང་རྒྱལ་ནི། སྤྱི་ལོ་ ༢༠༠༧ ནས་ཡུན་རིང་ནད་མནར་གྱིས་རྐྱེན་པས། སྤྱི་ལོ་ ༢༠༠༩ སྤྱི་ཟླ་ ༡༡ སྤྱི་ཚེས་ ༥ ཉིན་འདས་གྲོངས་སུ་སོང་བའི་གནས་ཚུལ་བྱུང་ཡོད་པ་རེད། དམ་པ་ཁོང་ནི་བར་ཁམས་སོག་རྫོང་གི་ཁོངས་གཏོགས་ཅུང་པ་དཀར་ཤོད་དུ། སྤྱི་ལོ་ ༡༩༣༨ ལོར་སྐྱེས། སྤྱི་ལོ་ ༡༩༥༩ ལོར་བོད་མི་སྤྱི་མཚུངས་ལྟར་བཙན་བྱོལ་དུ་འབྱོར། སྤྱི་ལོ་ ༡༩༦༢ ལོར་ཨ་མེ་རི་ཀའི་གསང་བའི་འཇབ་དམག་ C.I.A ཁོངས་སློབ་སྦྱོང་དུ་བསྐྱོད། སློབ་སྦྱོང་ཟིན་པ་དང་ཕྱིར་རྒྱ་གར་དུ་ལོག་སྟེ། བོད་ཡུལ་ཀོང་པོ་དང་པད་མ་བཀོད། ཙ་རི། རྫ་ཡུལ་སོགས་སུ་འཇབ་དམག་བརྒྱག་རྒྱུ་དང་གསང་བའི་ལས་དོན་བསྒྲུབ་པར་ལོ་མང་རིང་ཕྱིན་ཡོད། ལས་དོན་བསྒྲུབས་པའི་རིང་གལ་འགང་ཆེ་བའི་གསང་གནས་མང་པོ་མཁོ་སྒྲུབ་ཐུབ་པ་བྱུང་ཡོད། སྤྱི་ལོ་ ༡༩༨༧ ལོ་ནས་སྤྱི་ལོ་ ༡༩༩༧ ལོ་བར་སིམ་ལར་ས་གནས་ཆུ་སྒང་རྒྱུན་ལས་གནང་། སྤྱི་ལོ་ ༡༩༩༧ ནས་ ༢༠༠༠ ཐམ་པ་བར་མདོ་ཁམས་ཆུ་བཞི་སྒང་དྲུག་དབུས་རྒྱུན་ལས་ཁང་གི་དངུལ་གཉེར་བྱས་པས་མཚོན་འདས་པོ་ཁོངས་ནི་བོད་སྤྱི་ཡི་རྩ་དོན་ཐོག་སེམས་ཤུགས་རི་བཙུགས་པ་ལྟ་བུ་དང་ལྷག་པར་དུ་མདོ་ཁམས་ཆུ་བཞི་སྒང་དྲུག་གི་ལས་དོན་ཐོག་ལྷག་བསམ་ཟོལ་མེད་བྱེད་མཁན་ཞིག་ཡིན་པས་སྤྱིར་བོད་རིགས་ཡོངས་དང་ལྷག་པར་མདོ་སྟོད་མི་དམངས་ཡོངས་ཀྱིས་མྱ་ངན་དང་བློ་ཕམ་བྱ་འོས་པ་དང་བྱ་དགོས་པ་ཞིག་ཀྱང་རེད། ད་རེས་ཁོང་ཉིད་འདས་གྲོངས་སོང་བའི་ཡིད་སྐྱོའི་གནས་ཚུལ་ལ་ཆུ་སྒང་རྒྱུན་ལས་ནས་མདོ་སྟོད་མི་མང་ཡོངས་ཀྱི་མགྲིན་ཚབ་ཞུས་ནས་ཁོང་གི་བཟའ་ཟླ་དང་ནང་མི་བུ་ཕྲུག་གཉེན་ཉེ་བཅས་ལ་སེམས་གསོ་མཚམས་འདྲི་གདུང་སེམས་མཉམ་སྐྱེད་བཅས་ཞུ་རྒྱུ་དང་། འདས་པོ་དེ་ཉིད་ཀྱིས་ཚེ་རབས་འཕྲེང་བར་བསགས་པའི་སྡིག་ལྟུང་ཐམས་བཅད་བྱང་ཞིང་དག་ནས་དལ་རྟེན་རིམ་བརྒྱུད་ཀྱིས་རྣམས་མཁྱེན་རྒྱལ་བའི་གོ་འཕང་བདེ་བླག་ཏུ་ཐོབ་པའི་སྨོན་འདུན་ཞུ་རྒྱུ་ཡིན། དབུས་མདོ་ཁམས་ཆུ་བཞི་སྒང་དྲུག་ཡིག་ཚང་ནས་སྤྱི་ལོ་ ༢༠༠༩ ཟླ་ ༡༡ ཚེས་ ༩ ཉིན།