གསལ་བསྒྲགས།
༄༅།། །མཁྱེན་ཡངས་མདོ་ཁམས་ཆུ་བཞི་སྒང་དྲུག་ས་གནས་རྒྱུན་ལས་ཁག་གི་ཚོགས་གཙོ་དབུས་རྒྱུན་ལས་ལྷན་རྒྱས་མཆོག་གི་དྲུང་དུ།
ཆེད་ཞུ། དགོངས་མངའ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་རིམ་པའི་ནང་ཤེས་ཡོན་སྐོར་འཐུས་ཤོར་ཆེན་པོ་ཕྱིན་ཡོད་པ་སོགས་བཀའ་ནན་ཕེབས་པ་སོང་། མདོ་ཁམས་ཆུ་བཞི་སྒང་དྲུག་ཚོགས་པའི་ངོས་ནས་རང་རང་ནུས་པ་ལ་དཔག་པའི་བཀའ་ཡའི་ཆ་ཤས་ཕྲ་མོ་ཙམ་སྒྲུབས་ཐུབ་པའི་རེ་བ་ཞུས་ཏེ་ཆུ་སྒང་ཚོགས་པའི་ན་གཞོན་སློབ་ཕྲུག་གྲངས་ ༢༠ ལ་སློབ་ཡོན་འབུལ་རྒྱུ་ཐག་ཆོད་བྱུང་བ་ལྟར་སྔོན་དུ་གསལ་བསྒྲགས་ཞུས་ཟིན་འདུག་ཀྱང་། ས་གནས་ཁག་འགའ་ཤས་ནང་ས་གནས་རྒྱུན་ལས་ཁག་གི་བརྒྱུད་ནས་གསལ་བསྒྲགས་འཐུས་གཙང་མ་བྱུང་བ་སོགས་ལ་བརྟེན། ད་ལམ་དབུས་རྒྱུན་ཚོགས་ཐེངས་གཉིས་པའི་སྐབས་བཀའ་བསྡུར་ཐག་གཅོད་བྱུང་བ་ལྟར་ ༢༠༡༢ ཟླ་ ༡ ཚེས་ ༣༡ བར་མཐའ་མའི་འཚང་སྙན་འབུལ་རྒྱུའི་དུས་ཚད་ཕྱིར་འགྱངས་གནང་གཏན་འཁེལ་ཡོད།
