གསལ་བསྒྲགས།
ཆེད་ཞུ།
དགོངས་མངའ་བཞིན། ལོ་ལྟར་མདོ་ཁམས་ཆུ་སྒང་འགན་འཛིན་ལྷན་ཚོགས་བསྐོང་འཚོགས་གནང་དགོས་པ་ལྟར། འདི་ལོར་འགན་ལྷན་ཐེངས་ ༤༠ པ་འདི་དམིགས་བསལ་གལ་གནད་ཆེ་བའི་དུས་ཚིགས་དང། བསྟན་སྲིད་ཐད་གལ་ཆེའི་བགྲོ་གླེང་ཞུ་དགོས་བཅས་ལ་བརྟེན། དམིགས་བསལ་མདོ་སྟོད་ཆེས་མཐོའི་དཔོན་རིགས་རྣམ་པ་དང། དེ་བཞིན་མདོ་སྟོད་སྤྱི་འཐུས་རྣམ་པ། ཆོལ་ཁ་རང་ཁོངས་ནས་ཡིན་པའི་ཆོས་རྒྱུད་ཁག་གི་སྤྱི་འཐུས་རྣམ་པ་སོགས། མདོ་དོན་མདོ་སྟོད་ཆེས་མཐོའི་མི་སྣ་གང་མང་ཞིག་འཛམ་གླིང་གང་ས་ནས་གདན་འདྲེན་ཞུ་གཏན་ཁེལ་བ་ལྟར། ས་གནས་རྒྱུན་ལས་སོ་སོའི་ཚོགས་གཙོ་དང་དྲུང་ཆེ། ཡང་ན་སྐུ་ཚབ་བཅས་ངེས་པར་དུ་ཕེབས་ཐུབ་པ་དགོས་རྒྱུ་དང་། ཕྱི་རྒྱལ་ཁག་ནས་ཕེབས་མཁན་ཚོའི་ལམ་གྲོན་རང་ཁོངས་ནས་གོ་སྒྲིག་གནང་དགོས་ཀྱང། ཚོགས་འདུའི་རིང་བཞུགས་གནས་དང་གསོལ་ཚིགས་དབུས་སྤྱི་ཁྱབ་རྒྱུན་ལས་ཁང་གིས་གོ་སྒྲིག་ཞུ་རྒྱུ་ཡིན། རྒྱ་བལ་འབྲུག་གསུམ་ནས་ཕེབས་པའི་ཚོགས་བཅར་བ་ཚང་མ་མེ་འཁོར་གྲང་གློག་ཨང་ ༣ པ་དང། སྦ་སི་ཨང་དང་པོའི་ནང་དུ་ཕེབས་ན་འཐུས་ཀྱང་མེ་འཁོར་དང་སྦ་སིའི་སྦིལ་འཛིན་ཚད་ལྡན་བསྣམས་མ་ཕེབས་ཚེ་རྩིས་འགྲོ་གཏོང་རྒྱུ་མིན། ཚོགས་འདུའི་རིང་བཞུགས་གནས་དང་གསོལ་ཚིགས་དབུས་སྤྱི་ཁྱབ་རྒྱུན་ལས་ཁང་གིས་གོ་སྒྲིག་ཞུ་རྒྱུ། ཚོགས་འདུ་དངོས་གཞི་ནི་ ༢༠༡༠ ཟླ་བ་ ༢ ཚེས་ ༢༥ ནས་ཚེས་ ༢༧ བར་ ཉིན་གསུམ་རིང་མདོ་ཁམས་ཆུ་བཞི་སྒང་དྲུག་སྤྱི་ཁྱབ་ཡང་སྟེང་ཚོགས་ཁང་དུ་འཚོགས་ གཏན་ཁེལ་སོང་བས་དེ་དོན་ཚང་མས་དགོངས་འཇགས་ཡོང་བ་ཞུ་རྒྱུ་དང་། ས་གནས་ཁག་ནས་ཕེབས་པའི་ཚོགས་བཅར་བ་ཚོས་ཟླ་བ་ ༢ ཚེས་༢༤ ཉིན་འབྱོར་ཐོ་འགོད་འབུལ་ཐུབ་པ་དགོས་རྒྱུ་བཅས་དེ་དོན་ཚང་མས་དགོངས་འཇགས་ཡོད་ པ་ཞུ།
མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་ནས་ཕྱི་ལོ་ ༢༠༡༠ ཟླ་ ༡ ཚེས་ ༥་ལ།
