ང་ཚོའི་སྐོར།
མདོ་ཁམས་ཆུ་བཞི་སྒང་དྲུག་གི་ངོ་སྤྲོད།
དེ་ཡང་མདོ་ཁམས་ཆུ་བཞི་སྒང་དྲུག་བོད་ཀྱི་བསྟན་སྲུང་དང་བླངས་དམག་གི་ལོ་རྒྱུས་འཆད་པ་ལ་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་བོད་ནང་ཐོག་མར་ཇི་ལྟར་དབུ་བརྙེས་པ་དང༌། བཙན་བྱོལ་དུ་ཕེབས་རྗེས་ཀྱི་གསང་བའི་འཇབ་དམག་གིས་སྟོད་གློ་ཡུལ་བརྒྱུད་དགྲ་རྒོལ་ནུས་ཤུགས་ཇི་ལྟར་བྱུང་ཡང་མཐར་དམག་སྒར་འཐོར་ཞིག་སོང་བ། དམག་སྒར་ཉི་ཤུ་རྩ་གཉིས་ཀྱི་གནས་བབས། མཐར་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་བདེ་དོན་ལྷན་ཚོགས་ཀྱི་ངོ་བོ་བསྒྱུར་ཚུལ་བཅས་སྔོན་གླེང་སྔོན་དུ་བཏང་སྟེ་མུ་འཐུད་དེ་འཆད་རྒྱུ་ཡིན། རྒྱ་བོད་གཉིས་ཚ་ཞང་དང་མཆོད་ཡོན་གྱི་མིང་ཁུར་ཏེ་ད་ལྟའི་གུང་ཁྲན་སྲིད་གཞུང་ལ་མ་ཐུག་བར་ཆོས་སྲིད་ཟུང་འབྲེལ་ཁ་ལ་ཁྱེར་ཏེ་རང་རང་གི་ཉེ་འཁོར་དང༌། རང་གི་ཆོས་ལུགས། རྒྱ་དངུལ་དཀར་པོ། རྒྱ་ནག་གོས་ཆེན། རྒྱ་ནག་དཀར་ཡོལ་ལ་སོགས་པའི་རྒྱུ་ནོར་གྱི་ཁེ་ཕན་ཁོ་ན་མ་གཏོགས་བསམ་རྒྱུ་མེད་པའི་དཔོན་ངན་དབང་ཤུགས་དང་ལྡན་པ་དེ་དག་གིས་བོད་རྒྱལ་ཁབ་ཚོང་རྫས་ལྟ་བུའི་ཐོག་ནས་བོད་ཀྱི་ལོ་རྒྱུས་དང་སྤྱི་ཡི་ཁེ་ཕན་རླབས་ཆེ་ཆུང་ཙམ་ལས་མུ་འཐུད་དེ་ཚོང་ཐབས་ཁོ་ནར་དམིགས་ཏེ་ཉམས་གུད་ཆེན་པོ་བཏང་བ་དང༌།
ཆུ་སྒང་དབུས་སྤྱི་ཁྱབ་རྒྱུན་ལས་ཁང༌།
མདོ་ཁམས་ཆུ་སྒང་དབུས་སྤྱི་ ཁྱབ་རྒྱུན་ལས་ཁང་འདི་བཞིན་ཕྱི་ལོ་ ༡༩༨༤ ལོར་ཀེ་ལ་ཤ་གསོལ་མགྲོན་ཁང་ཤུགས་བྱས་རིན་མ་རྩ་བྱས་ཏེ་རྒྱ་གར་གྱི་རྒྱལ་ས་ལྡི་ ལི་གསར་པར་བོད་སྒང་ཁང་ཨང་ ༣༩ པ་སྤུས་གཟིགས་ཞུས་ཏེ་སྤོ་ཤུགས་མཛད་འདུག དེ་ནས་རིམ་བཞིན་ཁང་ཨང་ ༤༢ སྤུས་གཟིགས་ཞུས་ཏེ་ལས་ཁང་རྒྱ་བསྐྱེད་གནང་འདུག རྩ་བའི་མདོ་ཁམས་ཆུ་སྒང་ཚོགས་པ་འདི་བཞིན་ཐོག་མའི་དམིགས་ཡུལ་གཙོ་བོ་བོད་རང་ བཙན་གཙང་མ་དགྲ་བོའི་ལག་ནས་དྲག་པོ་དམག་གིས་ཕྱིར་ལེན་བྱེད་རྒྱུ་བློ་རྩ་གཏན་ པོ་གནས་ནའང༌། གནས་སྐབས་རིང་གནས་ཡུལ་རྒྱ་གར་གཞུང་གིས་བོད་ཐོག་འཛིན་པའི་སྲིད་བྱུས་དང༌། བཙན་བྱོལ་བོད་གཞུང་གི་ཆབ་སྲིད་ཀྱི་ལྟ་གྲུབ་བསྒྱུར་བཅོས་ཆེན་པོ་གནང་བའི་ རྒྱུ་རྐྱེན་དེ་དག་ལ་བརྟེན་དྲག་པོ་དམག་གི་སྒྲིག་འཛུགས་གནས་ཐབས་མེད་པའི་ཛ་ དྲག་ཅི་ཆེ་ལ་བརྟེན་ཆུ་སྒང་ཤི་གསོན་གཉིས་ཀྱི་ཐོག་མའི་དམིགས་ཡུལ་ལ་འགྱུར་བ་ གང་ཡང་ཕྱིན་མེད་ནའང༌།
